Նոր կրթական ծրագիր Հայաստանի ազգային պոլիտեխնիկական համալսարանում

Ուրախ ենք տեղեկացնելու Ձեզ, որ Հայաստանի ազգային պոլիտեխնիկական համալսարանը հայտարարում է 2020թ. սեպտեմբերից մեկնարկող «Չափիչ սարքավորումներ եվ համակարգեր» ու «Ռադիոհաճախային սարքավորումներ եվ համակարգեր» երկու նոր կրթական ծրագրերի մասին, որոնցով 2020-2021 ակադեմիական տարում կրթությունը շարունակելու համար կարող են դիմել ՏՀՏԷ ինստիտուտի 2-րդ կուրսի ուսանողները:

 

Կրթական նոր ծրագրերը իրականացնում է ՏՀՏԷ ինստիտուտի կազմում նորաստեղծ «Էլեկտրոնային սարքեր եվ չափիչ համակարգեր» բազային ամբիոնը, որը, տեղակայված լինելով Ինժեներական քաղաքում և առաջնորդվելով Ինժեներական ասոցիացիայի և բնագավառի առաջատար մասնագետների կողմից, ապահովում է կրթություն և արդյունաբերություն ուղղակի և ամուր կապ:

 

Բազային ամբիոնում ներգրավված են Ինժեներական քաղաքի բարձր որակավորում ունեցող ավելի քան 20 մասնագենտներ, ովքեր մշակում և իրականացնում են կրթական նոր ծրագրերում մի շարք առանցքային մասնագիտական դասընթացեր՝ հաշվի առնելով արդյունաբերության առաջատար ուղղություններում աշխատաշուկայի պահանջները և զարգացման հեռանկարները:

 

Բազային ամբիոնում ուսումնառությունը շարունակելու դեպքում դուք հնարավորություն կունենաք՝

• Ներգրավվելու Ինժեներական քաղաքի էկոհամակարգի մեջ:
• Մասնակցելու լրացուցիչ հատուկ դասընթացերի և վարպետաց դասերի:
• Կատարելու կուրսային և դիպլոմային աշխատանքներ ժամանակակից թեմաներով:
• Ունենալու արտադրական և նախաավարտական պրակտիկաներ՝ ներգրավվելով իրական իժեներական նախագծերի մեջ:
• Ներգրավվելու ինժեներական քաղաքի ավելի քան 10 բարձր տեխնոլոգիական ընկերությունների աշխատանքների մեջ:

 

«Չափիչ սարքավորումներ եվ համակարգեր» կրթական ծրագրով կրթությունը շարունակելու համար կարող են դիմել՝

• Ավտոմատացում,
• Կենսաբժշկական ճարտարագիտություն,
• Չափագիտություն,
• Էլեկտրոնիկա,
• Կիսահաղորդչային ֆիզիկա և միկրոէլեկտրոնիկա,

 

իսկ, «Ռադիոհաճախային սարքավորումներ եվ համակարգեր» կրթական ծրագրով՝ 

• Ռադիոտեխնիկա,
• Հեռահաղորդակցություն և ազդանշանների մշակում

 

մասնագիտություններով սովորող 2-րդ կուրսի ուսանողները։

 

Կրթական ծրագրի փոփոխության դեպքում դուք կշարունակեք բակալավրական կրթությունը՝ փոխադրվելով 3-րդ կուրս և պահպանելով գործող կարգավիճակը (վճարովի կամ անվճար)։

 

Եթե դուք հետաքրքրված եք նոր կրթական ծրագրերով կամ ունեք հարցեր, ապա դիմեք մեզ կամ լրացրեք ԴԻՄՈՒՄ-ՀԱՅՏ-ը առցանց: Դիմորդների հետ կանցկացվի հարցազրույց, որի արդյունքների հիման վրա կկատարվի ուսանողների ընտրությունը:

 

Հարցազրույցի մասնակցության դիմում-հայտերի ընդունման վերջնաժամկետն է սույն թվականի հունիսի 15-ը։

 

 

 Հարգանքով՝

 ՀԱՊՀ ՏՀՏԷԻ 

 ԷՍՉՀ բազային ամբիոն

 Հեռ.՝ +374 41 12 94 18

 Էլ. փոստ՝